Analisti Fatos Lubonja ka bërë një analizë të zhvillimeve të protestës së studentëve, e cila ka përshkallëzuar në dhunë mes policëve dhe të rinjve. Gjatë fjalës së tij në “News24”, Lubonja u shpreh se qeveri i sheh njerëzit sikur janë armiq. Gjithashtu ai theksoi se sipas tij kryeministri Edi Rama e mendon dorëheqjen “por mendon se për të është fundi i botës”. “Është i kriminalizuar deri në fyt. Dy zv.kryeministra i ke në hetim për korrupsion. Ke shefen e SHISH që bashkëpunon me kriminelët , ke ndërtuar një bandë kriminale. Pra këtu është problemi. Ato që ka bërë me gojë 135 ditë që nuk pranoi asgjë, por shante fyente tani do ta bëjë me dhunë. Sigurisht që e mendon ikjen, por nga ana tjetër mendon se për të është fundi i botës. Por përse të jetë fundi i botës, nëse mendon se je në rregull. Nëse je i qetë, ktheju artit, për krimet që të akuzojnë del që nuk janë nëse nuk i ke bërë dhe shpëton”, tha Lubonja. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: Fatos Lubonja
