Fytyra e yllit norvegjez të futbollit, Erling Haaland, është shfaqur në tabela reklamuese, karta koleksionuese dhe ekrane televizive, pasi ai u bë një fenomen në rrjetet sociale duke shënuar shtatë gola në katër ndeshje të Kupës së Botës në korrik. Por policia në Ekuador e ka zbuluar imazhin e tij aty ku nuk pritej, në paketime të gjelbra drejtkëndëshe që përbënin një ngarkesë të konsiderueshme kokaine, e sekuestruar në një kamion pranë kufirit me Kolumbinë. LEXO edhe...‘Kukulla dhe krimba’, mafia shqiptare ‘harron’ kokainën, dirigjon kontrabandën e karburantit në Ekuador! Zbardhet skema Drejtuesi i automjetit u arrestua pas sekuestrimit të 469 kilogramëve kokainë të mërkurën, tha policia, por nuk dha asnjë shpjegim për ngjitëset me imazhin e sulmuesit norvegjez. Megjithatë, është praktikë e zakonshme që trafikantët e drogës t’i etiketojnë ngarkesat e tyre me emrat e figurave të njohura të sportit dhe personazheve të tjerë të famshëm, si një mënyrë për të sinjalizuar se cilit rrjet kriminal i përket malli dhe cili është klienti i tij. Në një njoftim për shtyp thuhej se agjentët kundër narkotikëve po zhvillonin një operacion pas një informacioni anonim kur vunë re një kamion të dyshimtë. Gjatë kontrollit të tij, ata gjetën 370 pako të fshehura në një ndarje të kamionit. Policia publikoi një video ku shihen pakot e fshehura, me ngjitëset që mbajnë imazhin e Haalandit. Haaland nuk është i vetmi yll futbolli që duket se pëlqehet nga trafikantët e drogës. Imazhi i kapitenit të kombëtares argjentinase, Lionel Messi, është shfaqur gjithashtu në të tjera pako të sekuestruara. Ekuadori konsiderohet një ‘fole’ për trafikun e drogës, ku ajo grumbullohet, ruhet dhe shpërndahet përmes rrugëve të Amerikës Qendrore, kryesisht drejt Shteteve të Bashkuara dhe në Evropë Policia tha se një grua, e identifikuar vetëm si María R., me dokumente identifikimi kolumbiane, u arrestua gjatë operacionit të së mërkurës në zonën e Guagua Negro, pranë qytetit kufitar Tulcán, 246 kilometra në veri të kryeqytetit Quito. Vlera e vlerësuar e ngarkesës është rreth 842,000 dollarë në tregun vendas, më shumë se 11 milionë dollarë në Shtetet e Bashkuara dhe më shumë se 19.6 milionë dollarë në Evropë. P.J/ReportTv.al ekuador kokaine Erling Haaland Komento Komente Sondazhi i ditës: A mendoni se Shqipëria është e përgatitur për sezonin e zjarreve? Po 41.6% Jo 51.3% I/e dyzuar 7.1% Vota total: 4124 Sondazhi i ditës: A mendoni se Shqipëria është e përgatitur për sezonin e zjarreve?
