Kryebashkiaku i Tiranës, Erion Veliaj, nuk do të jetë më i vetëm në ambientet e reja të burgut të Fierit, ku u transferua ditën e djeshme. Nga sot, shoqëri në të njëjtin institucion do të ketë edhe Ergys Agasi, i cili është transferuar nga paraburgimi i Bradasheshit. Duket se në Fier po krijohet një shoqëri e re, ku dy emra të njohur të dosjeve të bujshme do të gjenden tashmë nën të njëjtën çati. Agasi akuzohet në lidhje me çështjen e njohur si skandali i AKSHI-t, ndërsa transferimi i tij në burgun e Fierit vjen pas qëndrimit në paraburgimin e Bradasheshit. Kështu, Veliaj nuk do të jetë më i vetëm në qelitë e këtij institucioni, pasi do të ketë pranë një tjetër personazh të përfshirë në një çështje të bujshme që po hetohet nga drejtësia. Një përkim vendndodhjeje që, pa dyshim, mund të ngjallë kureshtje për atë se cilët do të jenë tashmë bashkëbanorët e rinj të burgut. Ergys Agasi u kap më 26 gusht 2026 në zonën e Plepave, në hyrje të Durrësit, gjatë një operacioni të SPAK dhe Forcave Operacionale, pas disa muajsh në kërkim. Tashmë, rrugët e tij dhe të Veliajt kryqëzohen në burgun e Fierit, një burg që strehon kriminelët më të rrezikshëm të vendit. Cila dorë po hakmerret politikisht ndaj Veliajt dhe Agasit?
