Lajme Zone
Durrësi, porta ku bandat luftojnë për territor: Arrestimet e Ergys Agasit dhe Vlora Hysenit rihapin betejën për kontrollin e portit
PolitikëPamfleti
Ky artikull është pjesë e një historie me 7 burime — Krahaso mbulimin →

Durrësi, porta ku bandat luftojnë për territor: Arrestimet e Ergys Agasit dhe Vlora Hysenit rihapin betejën për kontrollin e portit

Më 9 nëntor 2026, drejtori i Autoritetit Portual të Durrësit, Liburn Aliu, njoftoi dorëheqjen. Një ditë më pas, zëvendësministri i Infrastrukturës dhe Energjisë, Hantin Bonati, dhe sekretari i përgjithshëm i ministrisë, Besian Kadiu, prezantuan drejtorin e ri, Andrea Shllaku.

Largimi i Liburn Aliut dhe rikthimi i rrjetit të lidhur me Pirro Vengun sinjalizojnë prishjen e ekuilibrave mes grupeve që kërkojnë kontrollin e nyjës më të rëndësishme detare të vendit... Më 9 nëntor 2026, drejtori i Autoritetit Portual të Durrësit, Liburn Aliu, njoftoi dorëheqjen. Një ditë më pas, zëvendësministri i Infrastrukturës dhe Energjisë, Hantin Bonati, dhe sekretari i përgjithshëm i ministrisë, Besian Kadiu, prezantuan drejtorin e ri, Andrea Shllaku.

Liburn Aliu nuk mori pjesë në ceremoninë e dorëzimit të detyrës. Mungesa e tij ka shtuar dyshimet se nuk u largua me dëshirën e vet, por kryeministri Edi Rama e shkarkoi.

Sipas informacioneve të siguruara nga “Pamfleti”, një nga shkaqet e largimit lidhet me përpjekjen e Aliut për të krijuar një rrjet të ri njerëzish të besuar, mes tyre edhe shtetas nga Kosova, në sektorët e kontrollit dhe sigurisë së Portit të Durrësit. Këto emërime po zhvendosnin gradualisht njerëzit që kishte vendosur ish-drejtori Pirro Vengu.

Rama e emëroi Liburn Aliun në tetor 2025, në një lëvizje që u interpretua edhe si sfidë politike ndaj Albin Kurtit. Pesë muaj më vonë, Aliu nisi të vendoste njerëzit e tij, fillimisht në nivele të ulëta drejtuese.

Sipas të njëjtave burime, plani parashikonte ngritjen e tyre në funksione të larta, veçanërisht në sektorët që kontrollojnë aktivitetet private, skanimin dhe hyrje-daljen e mallrave, mbikëqyrjen, sigurinë, operacionet portuale dhe kontratat e shërbimeve.

Edi Rama ia hoqi drejtimin e Portit të Durrësit Liburn Aliut dhe rrjetit që ai po ndërtonte me shtetas nga Kosova dhe Shqipëria, të rekomanduar nga qarqe politike e ekonomike me interesa në aktivitetet portuale.

Me urdhër të kryeministrit, drejtimi i portit iu rikthye grupit të lidhur me ish-drejtorin Pirro Vengu. Në krye të Autoritetit Portual u emërua Andrea Shllaku, të cilin burimet e “Pamfleti”-t e identifikojnë si kushëri të Vengut.

Nga tetori 2019 deri në korrik 2024, kur Pirro Vengu drejtonte Portin e Durrësit, Andrea Shllaku mbajti disa poste të rëndësishme. Ai shërbeu si drejtor operacional, drejtor i shtabit menaxherial dhe zëvendësdrejtor i përgjithshëm. Më 19 dhjetor 2025 u emërua zëvendësministër i Mbrojtjes, ndërsa më 1 prill 2026 u largua nga kjo detyrë.

Rikthimi i Shllakut në krye të portit sinjalizon rikthimin e rrjetit drejtues që funksionoi gjatë periudhës së Pirro Vengut. Emrat e këtij grupi janë përmendur në kallëzime, raporte informative dhe denoncime për lejimin e trafiqeve, kontrabandës dhe abuzimeve me kontratat portuale. Deri tani, institucionet nuk kanë njoftuar dënime penale për pretendimet e ngritura ndaj tyre.

Pjesë e kësaj strukture është Gerti Gega, drejtor operacional në Portin e Durrësit, post që më parë e mbante Andrea Shllaku.

Një tjetër emër është Alfred Velaj, drejtor i Sigurisë Portuale. Sipas informacioneve të “Pamfleti”-t, ai është përmendur në raporte të DEA-s, SHISH-it, Antimafies italiane dhe Policisë së Shtetit për dyshime mbi lejimin e trafiqeve, kontrabandës dhe kalimin e personave në kërkim.

Rafaelo Rexho mban detyrën e drejtorit teknik. Burimet e lidhin atë me abuzime në administrimin e gatishmërisë logjistike dhe me grupe të dyshuara për trafik droge e kontrabandë, të cilat, sipas denoncimeve, orientoheshin nga Ergys Agasi.

Urim Nela, ish-drejtor operacional, u largua nga ky post pas kërkesave të partnerëve ndërkombëtarë, për shkak të dyshimeve mbi lejimin e trafiqeve dhe kontrabandës. Aktualisht ai mban detyrën e shefit të sektorit brenda së njëjtës drejtori.

Në rrjetin e lidhur me Vengun përfshihet edhe Indrit Gjoka, drejtor i Shërbimeve të Infrastrukturës së Portit.

Ermal Lila drejton Policinë Kufitare. Ai ka shërbyer më parë si zëvendësdrejtor për Krimet në Policinë e Kukësit dhe si shef i Komisariatit të Durrësit. Sipas informacioneve të publikuara nga “Pamfleti”, emri i tij është përmendur në materiale që ngrenë dyshime për bashkëpunim me grupe trafikantësh.

Taulant Allka, drejtor i Kapitenerisë, është denoncuar gjithashtu për lidhje të dyshuara me grupe kriminale.

Një rol të veçantë, sipas burimeve, luan Genc Mata, i cili pretendohet se koordinon lidhjet mes drejtuesve të portit, trafikantëve dhe kontrabandistëve. Ai është emëruar anëtar i Bordit të Autoritetit Portual si përfaqësues i bizneseve që operojnë brenda portit. Mata është përmendur edhe si person i afërt me Ergys Agasin dhe si ortak në klubin e futbollit “Dinamo City”.

Rikthimi i Andrea Shllakut në krye të Portit të Durrësit pritet të shoqërohet me rikthime të tjera. Mes emrave që përfliten është Alket Malo, ish-drejtor i Financës dhe Marrëdhënieve Tregtare, i larguar pas kërkesave të partnerëve të huaj.

Sipas informacioneve të “Pamfleti”-t, në administratën portuale mund të rikthehen edhe persona të tjerë të larguar nga Liburn Aliu, të cilët kanë qenë pjesë e rrjetit të ngritur gjatë drejtimit të Pirro Vengut.

Ndryshimi në krye të Portit të Durrësit nuk duket si një dorëheqje e zakonshme. Ai shënon përplasjen mes dy rrjeteve për kontrollin e një prej nyjeve më të rëndësishme ekonomike dhe të sigurisë në vend. Aliu tentoi të vendoste njerëzit e tij. Rama e ndërpreu operacionin dhe riktheu grupin e vjetër./Pamfletiporti i durrësit lufta për territor Lini një Përgjigje Anuloje përgjigjen Anti-Mafia “Libri i Zi” i PD-së për zgjedhjet 2021/ Gjergj Luca, nga pazaret e votave për PS te denoncimi për strehimin e bandave në Labinot 10 Nëntor 2026, 16:1016:10Anti-Mafia Vëllezërit e Vlora Hysenit u hetuan nga Anti-Mafia e Nicola Gratteri për trafik droge; operacioni “Karaburun” goditi rrjetet e narkotrafikut ballkanik 9 Nëntor 2026, 19:3019:30Anti-Mafia ASHK Tirana Jug/ Flladi Dano në krye të pazareve me legalizimet, denoncime për ryshfet dhe favore për oligarkët e kullave 9 Nëntor 2026, 09:5509:55Anti-Mafia Pas denoncimit të Pamfletit, Doganat shpërndajnë gjobën e Salillarit në media, Erald Delilaj vijon manovrat për ta fshirë 8 Nëntor 2026, 10:0910:09Anti-Mafia Operacioni “Caveau 38” i Antimafias italiane sekuestron 240 kg kokainë, rrjeti i pastrimit të 14 mln eurove nga Milano drejt argjendarive në Tiranë 8 Nëntor 2026, 10:0210:02Anti-Mafia “ONE Albania” e Gellért Zoltán Jászai zhvat klientët me dy agjenci: njera serbo-qipriote, tjetra e lidhur me “IuteCredit” 7 Nëntor 2026, 11:2211:22Anti-Mafia