Të shtëna me armë zjarri janë raportuar në fshatin Sopot, në njësinë administrative Zerqan, Bashkia Bulqizë, ku ka humbur jetën një 29-vjeçar me inicialet E.L.
Sipas informacioneve paraprake, i riu ndodhej për gjueti në shoqërinë e një personi tjetër, i cili dyshohet se e ka qëlluar me armë zjarri. Ende nuk dihet nëse bëhet fjalë për një ngjarje aksidentale apo për një veprim të qëllimshëm.
Pas ngjarjes, B.F është shoqëruar në Komisariatin e Policisë Bulqizë, ndërsa arma e gjahut, e dyshuar si e përdorur në ngjarje, është sekuestruar si provë materiale.
Shërbimet e Policisë janë nisur drejt vendngjarjes, ndërsa pritet që autoritetet të zbardhin rrethanat dhe shkaqet e ngjarjes.