TIRANË- Për 8 vepra penale i referoi policia materialet procedurale në prokurorinë e Tiranës, për 6 protestues të arrestuar për sulme të dhunshme në protestën e së shtunës. Por për herë të parë, që nga nisja e protestave në Tiranë, sulmet me molotovë ndaj bluve, me gurë, lëndë piroteknike dhe me sfera dhe vida metalike përmes llastiqeve, të arrestuarit referohen përballë një vepre të rëndë penale, “Vrasja e punonjësit të Policisë”, e mbetur në tentativë. Nga veprime hetimore të kryera nën drejtimin e Prokurorisë, për tubimin e së shtunës që nisi në mesditë nga Ministria e Arsimit, dhe u zhvendos për tu mbyllur në mbrëmje te kryeministria, policia thotë se ka bërë dokumentimin ligjor të akteve të dhunës, për të paktën 11 protestues. 6 u arrestuan, Andi Shtepani, 26 vjeç. Leonardo Kola, 18 vjeç, Frenkli Çullhaj, 38 vjeç, një i huaj, Kevin Radosevich 35 vjeç dhe dy të mitur. Ndaj 3 protestuesve të tjerë nisi hetimi në gjendje të lirë, ndërsa 2 të tjerë u shpallën në kërkim. Përfshirja e të huajve në protestat në Tiranë është theksuar disa herë nga shefi i qeverisë Edi Rama. Në protestën e javës së kaluar, kryeministri deklaroi se për aktet e dhunës u paguan edhe mercenarë nga Spanja, të cilët i paralajmëroi se nuk do të ikin nga vendi pa mbaruar punë me drejtësinë. LEXO EDHE:Protestuesit përzunë militantët e PD-së, Berisha: Ishin 4-5 mashtrues të paguar për të mbrojtur Ramën, ekstremistët e majtë nuk na largojnë dot nga protesta (VIDEO) Policia publikoi video të protestuesve të cilët dolën sërish me maska dhe nuk u tërhoqën nga sulmet, as pas thirrjes me megafon të uniformave blu. Dy të arrestuarve, Andi Shtepani 26 vjeç dhe Leonardo Kola, 18 vjeç, iu gjetën dhe sekuestruan edhe bomba molotovë, të cilat gjatë protestës u panë të hidhen ndaj efektivëve dhe mjeteve që të policisë kryesisht në makinat ujë hedhëse. Vepra të tjera penale në ngarkim të të arrestuarve, janë pjesëmarrje në tubim të paligjshëm, prishje e qetësisë publike, kundërshtim i forcave të policisë, shkatërrim i pronës me zjarr, dhe mbajtja e armëve shpërthyese. Jashtë vëmendjes të policisë, nuk mbeti as djegia e kazanëve të mbeturinave dhe vendosja e tyre në mes të rrugës përpara ministrisë së Arsimit, por edhe në zona të tjera të kryeqytetit ku protestuesit marshuan gjatë mbrëmjes, duke bllokuar qarkullimin e mjeteve të transportit. Përgjatë gjithë tubimit të së shtunës, policia iu kundërpërgjigj sulmeve me ujëhedhëse dhe gaz lotsjellës që pasoi me shpërndarjen e protestuesve. TË ARRESTUARAndi Shtepani 26 vjeçLeonardo Kola, 18 vjeçFrenkli Çullhaj 38 vjeçKevin Radosevich.35 vjeç (i huaj)2 të miturNjoftimi i Policisë: Tiranë / Kundërshtuan dhe goditën me sende të forta, lëndë piroteknike, bomba molotov, sfera dhe vida metalike punonjësit e Policisë, bllokuan qarkullimin dhe dogjën kazanë mbeturinash; arrestohen 6 shtetas, procedohen penalisht 3 të tjerë dhe shpallen në kërkim 2. Sekuestrohen bomba molotov. Në vijim të veprimeve hetimore dhe procedurale, të kryera nën drejtimin e Prokurorisë, për dokumentimin ligjor të akteve të dhunës gjatë tubimit të zhvilluar ditën e djeshme, u arrestuan shtetasit: A. Sh., 26 vjeç, L. K., 18 vjeç, F. Ç., 38 vjeç, K. R., 35 vjeç (shtetas i huaj), si dhe 2 shtetas të mitur. Gjithashtu, u proceduan penalisht 3 shtetas dhe u shpallën në kërkim 2 të tjerë. Gjatë kontrolleve, shtetasve L. K. dhe A. Sh. iu gjetën dhe iu sekuestruan bomba molotov. Specialistët për Hetimin e Krimit, në bashkëpunim me Prokurorinë, vijojnë veprimet për dokumentimin e plotë të veprimeve të kundërligjshme të kryera gjatë tubimit, identifikimin e shtetasve të tjerë të përfshirë dhe vënien e tyre përpara përgjegjësisë ligjore. Materialet procedurale iu referuan Prokurorisë për veprat penale “Vrasja e punonjësit të Policisë”, e mbetur në tentativë, “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Kundërshtimi i punonjësit të Policisë së rendit publik”, “Shkelja e rregullave mbi lëndët plasëse dhe djegëse”, “Pengimi i qarkullimit të mjeteve të transportit”, “Shkatërrimi i pronës me zjarr” dhe “Mbajtja pa leje dhe prodhimi i armëve shpërthyese dhe i municionit”. Share Share -------------------------------Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë Rendit zhvillimet sipas orarit: Të Fundit Të Parat Ora 11:27 Dhuna në protestën e djeshme në Tiranë, momenti kur Policia gjen molotovët brenda makinës së 2 personave të maskuar (VIDEO) Pas protestës së djeshme të zhvilluar në Tiranë, ku u arrestuan 6 persona për vepra të ndryshme penale, Policia ka gjetur gjatë kontrolleve në banesat e dy personave të maskuar bomba molotov, që do të përdoreshin kundër institucioneve, bizneseve dhe efektivëve të Policisë.Nga pamjet e bëra publike nga Policia, molotovët ishin fshehur në pjesën e pasme të automjetit, ndërsa disa prej tyre ishin brenda një çante.Policia për protestën e djeshme, veç 6 të arrestuarve, nisi hetimet edhe për tre persona të tjerë, si dhe shpalli në kërkim edhe 2 protestues.-------------------------------Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë R.Xh/Shqiptarja.com Share R.Xh / A.E G.M. Shqiptarja.com TAG: Kevin Radosevich Frenkli Cullhaj Leonardo Kola Andi Shtepani Tirane proteste protestat kunder qeverise Sa e vlerësoni këtë artikull? ★ ★ ★ ★ ★ 4.7 / 5 (12 vlerësime) Faleminderit! LAJMET MË TË VLERËSUARA Komente Komento Arta: 01/11/2026 11:59 Shpresojme qe gjykatesit ti njohim si prova se me kto gjygjtare shqiperia digjet e tera e ktyre huliganeve nuk I futet gjenb ne kembe Përgjigju agim: 01/11/2026 11:42 Per mua Po nuk u arrestuan shume gjyqtare e prokurori te Tirane s,duke perfshir dhe Prokurorin e pergjithshem Ceela ,vendi ska qetsi Përgjigju Leshteriku: 01/11/2026 10:16 Futja ne pordhe se lirohesh neser i nxjerrin prape gjykatesit kane frike . Përgjigju Sondazhi i ditës:
29 Tetor, 18:29
A besoni se TVSH-ja 6 përqind për ushqimet do të reflektohet si duhet në uljen e çmimeve? Po 49.9% Jo 41.8% Nuk e di 8.2% Vota total: 595 Votat totale janë unike Sondazhi i ditës: 29 Tetor, 18:29 A besoni se TVSH-ja 6 përqind për ushqimet do të reflektohet si duhet në uljen e çmimeve?