Kryetari i Partisë Demokratike, Sali Berisha, ka kritikuar ashpër qeverinë për çmimin e lartë të naftës në Shqipëri, duke deklaruar se karburanti shitet me një kosto të papërballueshme në raport me pagat. Sipas tij, niveli i lartë i çmimit lidhet drejtpërdrejt me taksimin që shteti i vendos çdo litri naftë, në rreth 1.1 euro. “Në asnjë vend të botës nuk do të tolerohej. Nafta 220 lekë është çmimi më i lartë në botë në proporcion me pagat. Edhe në nominal është një nga çmimet më të larta në botë. Nafta në këto çmime ka si shkak themelor tatimin e litrës së naftës nga shteti me 1.1 euro.
Tatim që nuk ekziston në asnjë vend tjetër. Kosova e Maqedonia ka gjysmën e tatimit që ka Shqipëria ndaj nafta atje është gjithmonë 5-600 lekë më lirë se në Shqipëri. Jemi zotuar që në mbledhjen e parë të qeverisë së PD do të përgjysmojmë taksën për naftën dhe nuk do të shitet litër nafte në Shqipëri më shtrenjtë se në Kosovë e Maqedoni”, tha ai. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb