Foto ilustruese Informacionet për sulme më të fuqishme ndaj Kievit, ngecja e negociatave dhe skenari i një mobilizimi të ri rus shtojnë shqetësimet për një fazë më intensive të luftës. Në Perëndim po ndiqet me vëmendje edhe rreziku që përshkallëzimi të shtrihet përtej kufijve të Ukrainës. Tensioni rreth luftës në Ukrainë po rritet sërish dhe, në orët e fundit, një fjalë po qarkullon gjithnjë e më shumë: përshkallëzim.
Alarmin e kanë rikthyer informacionet e publikuara nga Bloomberg, sipas të cilave Kremlini po shqyrton mundësinë e intensifikimit të sulmeve me raketa balistike konvencionale kundër Kievit, përfshirë qendrën e kryeqytetit, si dhe kundër infrastrukturave të tjera ukrainase.
Por çështja nuk është vetëm ushtarake. Frika për një përshkallëzim të ri bëhet më e besueshme nga fakti se këto sinjale vijnë në një kohë kur negociatat duket se kanë ngecur dhe, paralelisht, në Perëndim po rritet shqetësimi se konflikti mund të zgjerohet përtej kufijve të Ukrainës.
Sipas burimeve pranë Kremlinit të cituara nga Bloomberg, Moska i konsideron tashmë të dështuara përpjekjet për negociata dhe po shqyrton një fazë të re presioni ushtarak. Në shënjestër mund të jenë sulme më të rënda ndaj Kievit dhe infrastrukturës në qytete të tjera ukrainase.
Të njëjtat burime thonë se faza aktuale e luftës nuk përfaqëson ende nivelin maksimal të përplasjes.
Pikërisht ky element ngre shqetësimin më të madh: jo vetëm për mundësinë e intensifikimit të sulmeve, por edhe sepse, sipas versionit që u atribuohet burimeve ruse, Kremlini sheh gjithnjë e më pak alternativa ndaj përshkallëzimit ushtarak për të arritur objektivat e tij dhe nuk përjashton përdorimin e armëve bërthamore taktike.
Përballë këtij skenari qëndron, të paktën publikisht, pozicioni zyrtar rus. Zëdhënësi i Kremlinit, Dmitry Peskov, i ka minimizuar shqetësimet, duke deklaruar se Moska nuk është e interesuar për një përshkallëzim. Ai ka hedhur poshtë gjithashtu idenë se misioni i fundit në Moskë i drejtorit të CIA-s, John Ratcliffe, lidhej me rrezikun e zgjerimit të konfliktit drejt NATO-s.
Është një linjë e dyfishtë tashmë e njohur: nga njëra anë, Kremlini vazhdon të mohojë se synon të rrisë më tej nivelin e përplasjes; nga ana tjetër, po shtohen informacionet, deklaratat dhe sinjalet ushtarake që interpretohen në drejtim të kundërt.
Sipas disa raportimeve të publikuara nga shtypi amerikan, udhëtimi i Ratcliffe kishte një objektiv shumë të qartë: të paralajmëronte Rusinë që të mos ndërmerrte hapa që mund të godisnin territorin e NATO-s ose të shkaktonin një zgjerim të rrezikshëm të konfliktit.
Përtej hollësive të pakonfirmuara zyrtarisht, vetë pesha politike e një misioni të tillë është domethënëse: nëse Uashingtoni vendos të dërgojë kreun e CIA-s në Moskë në këtë fazë, kjo tregon se rreziku i një përkeqësimi të mëtejshëm të krizës po konsiderohet serioz.
Në këtë kuadër duhet parë edhe misioni i Vatikanit në Moskë i kryepeshkopit Paul Richard Gallagher, i cili u takua me ministrin e Jashtëm rus, Sergey Lavrov. Mesazhi i Selisë së Shenjtë është i qartë: lufta duhet të përfjë.
Në sfond është një proces negociator që praktikisht ka ngecur. Burimet e cituara nga Bloomberg i përshkruajnë bisedimet si të kthyera në pikën e nisjes, pa përparim konkret drejt një marrëveshjeje.
Edhe analiza të tjera japin një tablo të ngjashme, sipas së cilës mungesa e një rrugëdaljeje diplomatike po e shtyn Kremlinin ta konsiderojë opsionin ushtarak si instrumentin kryesor të presionit.
Në këtë situatë, edhe shpresat për një nismë të re amerikane duken të reduktuara. Moska pret propozime të mundshme të reja nga Jared Kushner dhe Steve Witkoff, por pritshmëritë në Kremlin për një kthesë raportohet se janë shumë të ulëta.
Mbi klimën e tensionuar rëndon gjithashtu mundësia e një mobilizimi të ri rus. Burime të inteligjencës ukrainase thonë se kanë identifikuar sinjale për përgatitjen e një thirrjeje në shkallë shumë të gjerë, që mund të përfshijë deri në 500 mijë burra, pas zgjedhjeve për Dumën në shtator.
Mbetet ende për t'u parë se çfarë do të vendosë Kremlini, por vetëm rikthimi i këtij skenari përforcon idenë e një lufte që Moska mund të përgatitet ta vazhdojë për një kohë të gjatë dhe me intensitet më të madh.
Arsyeja pse në këto orë flitet kaq shumë për përshkallëzim lidhet, pra, me ndërthurjen e disa faktorëve: informacionet për sulme të reja dhe më të fuqishme ruse ndaj Kievit, paraliza e negociatave, shqetësimi amerikan për një zgjerim të konfliktit drejt NATO-s dhe, në sfond, perspektiva që Putin të përgatitet për një luftë edhe më të gjatë.
Për momentin nuk ka prova përfundimtare për një kthesë të afërt. Por ndërthurja e këtyre sinjaleve shpjegon pse konflikti po perceptohet se ka hyrë në një fazë më të paqëndrueshme dhe potencialisht më të rrezikshme se më parë. /Përshtatur nga Corriere Della Seraukraine rusi Lini një Përgjigje Anuloje përgjigjen Rajoni dhe Bota Nga terrori mbi Sarajevën te gjenocidi i Srebrenicës: Kush ishte Ratko Mladiç, kasapi që la pas mijëra viktima 27 Gusht 2026, 22:0922:09Rajoni dhe Bota Haga urdhëron hetim të plotë për vdekjen e Ratko Mladiçit, autoritetet holandeze nisin verifikimet 27 Gusht 2026, 22:0622:06Rajoni dhe Bota Trump: Fola me Putin, nuk do të sulmojë territorin e NATO-s 27 Gusht 2026, 21:5821:58Rajoni dhe Bota Gjashtë pasojat e gjashtë muajve të luftës në Iran! 27 Gusht 2026, 21:2421:24Rajoni dhe Bota "Do të quhet Liqeni Amerika"/ Trump vijon me 'goditjet', firmos ndryshimin e emrit të Liqenit Ontario 27 Gusht 2026, 19:5819:58Rajoni dhe Bota Ar e metale të çmuara/ Grabitje spektakolare në Spanjë, zhduket thesari 3 mijëvjeçar i Villenës! 27 Gusht 2026, 19:0319:03Rajoni dhe Bota