Mesfushori brazilian Casemiro është prezantuar zyrtarisht si futbollisti më i ri i Inter Miami, duke nisur një aventurë të re në MLS pas largimit nga Manchester United. Ai do t'i bashkohet skuadrës ku aktivizohen Lionel Messi, Luis Suárez, Jordi Alba dhe Rodrigo De Paul.
Gjatë prezantimit, Casemiro u shpreh entuziast për sfidën e re dhe theksoi se dëshira për të fituar mbetet po aq e madhe sa në vitet e tij më të mira. Ai vlerësoi gjithashtu Lionel Messin, duke e cilësuar si një nga futbollistët më të mëdhenj në histori.
Në Inter Miami, Casemiro do të mbajë fanellën me numrin 5, një numër që është kthyer në identitetin e tij gjatë karrierës. Me këtë fanellë ai shkroi historinë me Real Madridin, ndërsa me të njëjtin numër ka qenë prej vitesh edhe një nga liderët e kombëtares së Brazilit, duke e bërë "5"-ën simbol të rolit të tij në mesfushë.
Transferimi i 34-vjeçarit konsiderohet një tjetër goditje e rëndësishme për Inter Miami, që vijon të forcojë skuadrën me emra të mëdhenj të futbollit botëror.