FRANCË - Një vajzë 17-vjeçare humbi jetën pasi ra nga pjesa e pasme e një kamioni gjatë festimeve për fitoren e Francës ndaj Marokut në çerekfinalet e Kupës së Botës 2026, njoftuan shërbimet e emergjencës franceze të premten, më 10 korrik. Sipas autoriteteve, vajza ndodhej në pjesën e pasme të një kamioni, i cili po tërhiqte një rimorkio, në Aulnoye-Aymeries, një fshat pranë qytetit verior Maubeuge, afër kufirit me Belgjikën. Ajo ra nga automjeti dhe u përplas për vdekje nga vetë kamioni, duke ndërruar jetë në vendngjarje. LEXO edhe...Alarm në prag të Norvegji - Angli, virusi 'godet' të dyja kombëtaret para çerekfinales së Botërorit Drejtuesi i kamionit është ndaluar nga policia për hetime, ndërsa një tjetër adoleshent, i cili ishte dëshmitar i ngjarjes, u dërgua në spital pasi pësoi tronditje psikologjike. Pas fitores 2-0 të Francës ndaj Marokut në Boston, festime të shumta 'shpërthyen' në mbarë vendin. Në Paris, mijëra tifozë dolën në rrugë për të festuar, ndërsa mijëra efektivë policie ishin angazhuar për garantimin e sigurisë. Për të lexuar lajme të tjera nga Botërori KLIKONI KËTU. Për të parë rezultatet e ndeshjeve të Botërorit KLIKONI KËTU. S.Dh/ReportTv.al Boterori 2026 Franca france FIFA Komento Komente Sondazhi i ditës: Gafa e sulmeve ndaj bizneseve e ka dëmtuar frymën e protestës? Po! 80.9% Jo! 16.7% Disi! 2.4% Vota total: 455 Sondazhi i ditës: Gafa e sulmeve ndaj bizneseve e ka dëmtuar frymën e protestës?
