Kryedemokrati Sali Berisha ka zhvilluar ditën e sotme një takim me militantë në New Jersey të Shteteve të Bashkuara të Amerikës. Kreu i PD-së u prit me protesta para hyrjes në sallën ku do të mbahej takimi, me disa qytetarë që po thërrisnin në kor 'Berisha n'burg' dhe 'Berisha, doktori i Enver Hoxhës'. Në fjalimin e mbajtur para të pranishmëve, Berisha vlerësoi rolin e diasporës shqiptare, duke u shprehur se “diaspora shqiptare në SHBA është fati i mirë i kombit shqiptar”. LEXO edhe...AfD drejt fitores së thellë në landin Saksoni-Anhalt të Gjermanisë, Trump ‘feston’ në rrjetet sociale “Për ne sot, kjo është një ditë jo e zakonshme. Sot është një ditë që për mua ngjall emocione. Është një ditë që shumëkush e ka menduar të pamundur, si një ditë që nuk do ta shihnim ndonjëherë”, tha Berisha, duke iu referuar rikthimit të tij në SHBA. Berisha u ndal edhe te sanksionimi ‘non grata’ nga Shtetet e Bashkuara, duke e cilësuar atë si një padrejtësi të bërë nga ajo që ai e quajti ‘e majta ekstreme’. “Kush jemi ne për të sfiduar një padrejtësi që bëhet nga forca shumë herë më të mëdha se ne? Kemi pyetur ‘kush jemi ne, kur e gjithë bota është kundër nesh?’ Ne jemi shqiptarë dhe qëndrojmë të pamposhtur për dinjitetin tonë. Luftojmë dhe qëndrojmë të vendosur për familjet tona. Luftojmë në kushtet më të pabarabarta për kombin tonë, dinjitetin dhe lirinë e tij”, deklaroi ai. Pavarësisht se ‘non grata’ ndaj Berishës nuk është hequr, Berisha me vizitën në SHBA e cilësoi si çështje të mbyllur, duke e lidhur me zhvillimet politike në SHBA. “I qartë si kristali se kjo padrejtësi nuk po vinte nga SHBA-të, por nga axhendat anti-liri, anti-komb, të asaj që vetë Presidenti Trump e ka emërtuar si ekstremi i majtë”, tha Berisha. Duke cituar ish-presidentin amerikan Abraham Lincoln, ai tha se “rëndësi nuk ka sa herë rrëzohesh, por sa herë ngrihesh”, për të shtuar më pas: “Dhe unë vendosa të ringrihem”. Berisha vijoi duke folur për atë që e konsideron si ndryshimin politik në SHBA pas zgjedhjes së Donald Trump. “E nisëm këtë betejë në errësirë, por asnjë natë nuk zgjat pafundësisht. Kur unë nisa këtë betejë, populli i madh amerikan vendosi të ringrihet, duke zgjedhur President Donald Trump”, u shpreh ai. Më tej, Berisha deklaroi se, sipas tij, bota e lirë ka nisur të distancohet nga ajo që ai e quan “agresioni i ekstremit të majtë”. “Pak nga pak, bota e lirë filloi të ringrihet nga agresioni i ekstremit të majtë”, tha ai, duke shtuar se personat që, sipas tij, kishin marrë vendime kundër tij, tashmë janë përballur me pasoja. Kreu i PD-së thumboi edhe ish-ambasadoren amerikane në Shqipëri, Yuri Kim, për të cilën tha se sot është e papunë. “Ata që na treguan ne barin, përfunduan të papunë. Ata që firmosën ndalimin tim, sot janë non grata vetë në vendin e tyre. Ata që përgatitën mashtrimet ndaj meje në Shqipëri, sot janë pas hekurave. Kurse unë sot po qëndroj me dy këmbë në atë tokë që ata mendonin të ma ndalonin përgjithmonë”, deklaroi Berisha. Ai falënderoi diasporën shqiptare në SHBA për mbështetjen, por theksoi se vizita e tij nuk kishte vetëm karakter festiv. “Këtu nuk kam ardhur vetëm për falënderime dhe festime. Sot unë kam ardhur këtu me një thirrje të fortë për ju dhe çdo shqiptar tjetër në çdo vend të botës. Sot kam një kushtrim për gjithë shqiptarët”, tha Berisha. Duke u ndalur te situata politike në Shqipëri, Berisha akuzoi qeverinë Rama për lidhje me krimin dhe trafikun e drogës. “Në Shqipëri ekstremi i majtë që ka lindur nga krimi, është shartuar me kartelet e drogës që Presidenti i SHBA-së po i krahason me organizatat terroriste”, u shpreh ai. Berisha sulmoi drejtpërdrejt kryeministrin Edi Rama, duke e akuzuar se po pengon drejtësinë përmes shumicës parlamentare. “Ky monstër me emrin Edi Rama bllokon drejtësinë me 83 mandatet e krimit, si në rastin e Lubi Ballukut”, deklaroi Berisha. Teksa u pyet nëse PD kishte një plan për luftën ndaj krimit të organizuar dhe korrupsionit, Berisha tha me të ardhur opozita në pushtet, do të krijohej një Agjenci Kombëtare që do t’u kthente asetet e përfituara në mënyrë të paligshme nga organizatat kriminale dhe politikanët e korruptuar, te qytetarët. “Një agjenci kombëtare do të krijohet për t’i dorëzuar fondit publik të gjitha pasuritë e qeveritarëve. Janë miliarda. Të gjitha pasuritë e organizatave kriminale. Nëse nuk goditen të gjitha pasuritë e paligjshme të tyre, që t’u kthehen qytetarëve, lufta ndaj krimit është iluzion dhe jo realitet”, tha mes të tjerash Berisha. Në vijim, ai akuzoi Ramën dhe presidentin serb Aleksandar Vuçiç për qëndrime kundër interesave shqiptare. “Ai dhe padroni i tij Vuçiç është faktuar një armik i egër i interesit kombëtar, i Kosovës dhe kombit shqiptar”, tha Berisha. Fjalimi i Berishës u përqendrua te rikthimi i tij në SHBA, roli i diasporës shqiptare dhe përballja politike në Shqipëri, ndërsa ai e mbylli fjalën e tij me një thirrje për angazhim të shqiptarëve kudo që ndodhen. Ora 21:25 Berisha braktiset nga demokratët në SHBA, karriget bosh në takimin në New Jersey (VIDEO) Demokratët duket se e kanë braktisur Sali Berishën. Edhe në takimin që kryetari i PD-së zhvilloi sot në New Jersey të SHBA-ve, u vu re një pjesëmarrje e vogël e të pranishmëve, pavarësisht se Berisha rikthehej në Shtetet e Bashkuara pas rreth 5 viteve.Pavarësisht se nga PD u trumbetua si një ngjarje e madhe, nga pamjet që po qarkullojnë nga takimi i Berishës në SHBA, shihet se shumë prej karrigeve të vendosura për pjesëmarrësit në takim, janë bosh.Ndërkohë një gjë e tillë nuk dukej nga pamjet e kamerave të PD-së, pasi filmonin vetëm pjesën e të pranishmëve që qëndrojnë përpara. Share Ora 19:43 Berisha ‘infekton’ edhe të vetët me gjuhën e tij, militanti nga takimi në SHBA: Të vëmë gozhdën e fundit në arkivolin e Ramës! (VIDEO) Duket se retorika e përdorur nga kryedemokrati Sali Berisha po gjen ‘terren’ për përdorim edhe nga militantët e tij dhe të PD-së.Një prej militantëve që mori pjesë në takimin e zhvilluar nga Berisha në Neë Jersey të SHBA-ve, gjatë fjalimit të tij tha se ishin gati të vinin ‘gozhdën e fundit në arkivolin’ e kryeministrit Edi Rama.Fjala ‘arkivol’ në politikën shqiptare është përdorur më së shumti nga Sali Berisha, për të ‘goditur’ kundërshtarët e tij politikë.“Ishte një punë e fondacionit ‘Make Albania Greate Again’ që u mblodhëm si emergjencë për Shqipërinë. Nuk e bëmë për Sali Berishën, por për Shqipërinë. Por mirëseerdhe dhe zoti të dhëntë jetë. Dhe kemi shpresë se do ia japim gozhdën e fundit në arkivolin e Edi Ramës”, tha një prej të pranishmëve në sallë. Share Ora 18:07 ‘O doktori i Enver Hoxhës’- Berisha pritet me protesta në New Jersey, qytetarët thirrje në kor: Je non grata që nga 97-a! Ke shitur Shqipërinë, e ke vendin në burg! (VIDEO) Kryedemokrati Sali Berisha është pritur me protesta në New Jersey, ku po zhvillon një takim me shqiptarët që jetojnë në Shtetet e Bashkuara të Amerikës.Disa protestues i kanë zënë pritë Berishës dhe zyrtarëve të PD-së që e shoqëronin, me thirrjet ‘doktori i Enver Hoxhës’ dhe 'Berisha non grata që nga 97-a'.Protestuesit kanë kërkuar përmes megafonit dhe thirrjeve në kor arrestimin e Berishës, të cilin e akuzojnë për shitjen e Shqipërisë.Ndërkohë kryedemokrati i kapur në besfasi, i ka përshëndetur me 2 gishta protestuesit, një shenjë që është marrë si ta nga provokim dhe ka çuar në shpeshtimin e thirrjeve ‘Berisha n’burg’. Share R.Xh/ReportTv.al sali berisha SHBA Berisha ne listen e zeze te SHBA New Jersey diaspora Anthony Blinken Yuri Kim edi rama PD PS Komento Komente Asllan rusi: 06/09/2026 18:57 Ore seriozisht e kane keta shkojne tek shqiptaret ne amerike dhe u thojne hajdeni ne shqiperi…hajde megallomani hajde… gjithe bota qe ka mundesi shkone diku ku eshte mundesi me e mire per ate… Përgjigju Sondazhi i ditës: Qeveria bllokon pagat e magjistratëve pasi KLGJ e KLP i rritën vetë, si e vlerësoni? Të drejtë 75% Të gabuar 20.7% Nuk e di 4.3% Vota total: 5154 Sondazhi i ditës: Qeveria bllokon pagat e magjistratëve pasi KLGJ e KLP i rritën vetë, si e vlerësoni?
