Bashkimi Evropian nuk mund të financojë ende blerjen e raketave Patriot për Ukrainën, pasi Kievi nuk ka dorëzuar kontratat e nënshkruara për furnizimin me këtë pajisje ushtarake. Lajmin e bëri të ditur zëdhënësi i Komisionit Evropian, Balazs Ujvari, i cili shpjegoi se, megjithëse blerja e sistemeve Patriot u miratua javën e kaluar, procedura nuk mund të ecë përpara pa dokumentacionin përkatës. LEXO edhe...Finlanda iu bashkua iniciativës së Francës, Rusia akuzon vendin fqinj: Po përpiqeni të luani me armët bërthamore! "Sistemet Patriot u miratuan vetëm javën e kaluar, ndaj duhet të marrim kontratat. Sipas informacioneve që kam, ato ende nuk kanë mbërritur", tha Ujvari. Ai sqaroi se sapo kontratat të dorëzohen, Komisioni Evropian do t'i shqyrtojë dhe më pas do të mund të lëshojë pagesat për këtë pajisje. Fondet do të vijnë nga komponenti i mbrojtjes i paketës së huasë për Ukrainën, i cili për vitin 2026 pritet të arrijë në 28.3 miliardë euro. Sipas Ujvarit, pagesat për raketat Patriot ka të ngjarë të kryhen më vonë, pasi miratimi i planeve të furnizimit për këtë sistem është bërë vetëm së fundmi. Ndërkohë, Komisioni Evropian po vijon të financojë programet e miratuara më herët, të fokusuara kryesisht te dronët, raketat dhe avionët luftarakë. Vetëm me disbursimin e sotëm prej 3.3 miliardë eurosh për dronë dhe raketa, vlera e përgjithshme e fondeve të lëvruara nga komponenti i mbrojtjes gjatë vitit 2026 ka arritur në 11.7 miliardë euro. Blerja e raketave Patriot është pjesë e planit më të gjerë të Bashkimit Evropian për të forcuar bashkëpunimin në mbrojtje me Ukrainën. Presidentja e Komisionit Evropian, Ursula von der Leyen, ka njoftuar më herët krijimin e një Këshilli Evropian të Sigurisë, ku do të marrë pjesë edhe Ukraina, si dhe zhvillimin e një sistemi të përbashkët të mbrojtjes ajrore mes BE-së dhe Kievit. U.D/ReportTv.al Bashkimi Europian raketa patriot ukraine rusia sulmon ukrainen Komento Komente Sondazhi i ditës: Haga dënon me 81 vite burg 4 ish-krerët e UÇK-së, si e vlerësoni? Të drejtë 5.8% Të gabuar 89.5% Nuk e di 4.7% Vota total: 3440 Sondazhi i ditës: Haga dënon me 81 vite burg 4 ish-krerët e UÇK-së, si e vlerësoni?
