Një 10-vjeçare është plagosur mbrëmjen e së premtes në Athinë, pasi persona të armatosur hapën zjarr ndaj një kafeneje në zonën e Agios Panteleimonas. Ngjarja ndodhi rreth orës 23:50, në rrugën “Agorakritou”, ku katër persona, që udhëtonin me një automjet, iu afruan lokalit dhe qëlluan me armë zjarri në drejtim të tij.
Në momentin e sulmit, në kafene ndodheshin rreth 10 persona, të gjithë me origjinë shqiptare. Mes tyre ishte edhe një vajzë rreth 10 vjeç, e cila mbeti e plagosur në këmbë.
Ende nuk është përcaktuar nëse e mitura u godit drejtpërdrejt nga një plumb apo u dëmtua nga copëzat e materialeve të goditura gjatë të shtënave.
Nëna e vajzës, gjithashtu me origjinë shqiptare, e transportoi menjëherë të miturën me automjet privat drejt spitalif.
Pas sulmit, policia ka gjetur edhe një automjet të djegur, për të cilin dyshohet se mund të jetë përdorur nga autorët e sulmit. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm