Anthropic, kompania që qëndron pas chatbot-it të inteligjencës artificiale Claude, ka mbledhur një rekord prej 81 miliardë dollarësh (62 miliardë paund) në një debutim në bursë, që do ta bëjë atë një nga kompanitë më të vlefshme në botë. Elon Musk dhe drejtori ekzekutiv i Anthropic, Dario Amodei Gjiganti amerikan i inteligjencës artificiale Anthropic ka shënuar një prej momenteve më të rëndësishme në historinë e tregjeve financiare, duke debutuar në bursën Nasdaq me një ofertë publike aksionesh që kap vlerën e rreth 81 miliardë dollarëve.
Kompania që zhvillon chatbot-in Claude, një prej rivalëve kryesorë të ChatGPT, ka arritur një vlerësim tregu prej afro 1.5 trilionë dollarësh, duke kaluar rekordin e vendosur vetëm pak muaj më parë nga SpaceX e Elon Musk.
Aksionet e kompanisë do të tregtohen me simbolin “ANT”, ndërsa çmimi fillestar është përcaktuar në 83 dollarë për aksion, mbi intervalin fillestar të pritshmërive prej 70 deri në 78 dollarësh. Interesi i jashtëzakonshëm i investitorëve ka bërë që Anthropic të zgjerojë ofertën, duke tejkaluar rekordin prej rreth 86 miliardë dollarësh të vendosur nga SpaceX në qershor.
Përveç ofertës publike, kompania ka siguruar edhe 26 miliardë dollarë investime private, me mbështetjen e disa prej gjigantëve më të mëdhenj të teknologjisë, përfshirë Microsoft, Google, Nvidia dhe AMD.
Një histori suksesi e nisur nga ish-punonjësit e OpenAI
Anthropic u themelua pesë vjet më parë nga një grup ish-punonjësish të OpenAI, kompanisë që krijoi ChatGPT. Nga një sipërmarrje e re në Silicon Valley, ajo është shndërruar në një prej aktorëve kryesorë të industrisë globale të inteligjencës artificiale.
Me seli në San Francisko, kompania ka tërhequr mbështetjen financiare të emrave më të fuqishëm të teknologjisë, përfshirë Amazon dhe Google, ndërsa produkti i saj kryesor, Claude, po konkurron drejtpërdrejt me platformat kryesore të inteligjencës artificiale.
Drejtori ekzekutiv i Anthropic, Dario Amodei, e konsideron zhvillimin e kësaj teknologjie një mundësi historike për njerëzimin.
“Besoj se, nëse veprojmë siç duhet, mund të hyjmë në një epokë mrekullish, ku njerëzimi do të jetë në gjendje të zgjidhë probleme që e kanë sfiduar prej mijëra vjetësh”, është shprehur ai.
Megjithatë, Amodei ka paralajmëruar se përparimi teknologjik duhet të shoqërohet me masa të forta për kontrollin e rreziqeve dhe me një model biznesi të qëndrueshëm.
Një test vendimtar për industrinë e inteligjencës artificiale
Në varësi të kërkesës së investitorëve, vlera e Anthropic mund të rritet edhe më tej sapo aksionet e saj të nisin tregtimin në bursë.
Një situatë e ngjashme u regjistrua edhe me SpaceX të Elon Musk, e cila pas debutimit në Nasdaq në qershor të këtij viti arriti një vlerësim prej 2.2 trilionë dollarësh, megjithëse në javët pasuese çmimi i aksioneve pësoi rënie.
Sipas parashikimeve, Anthropic do të sigurojë më shumë se 81 miliardë dollarë nga investitorët, si dhe 26 miliardë dollarë të tjera përmes shitjes së aksioneve te kompani të teknologjisë, mes tyre Nvidia. Kjo e fundit ka një histori të gjatë investimesh në kompani që përdorin procesorët e saj për zhvillimin e inteligjencës artificiale.
Ndërkohë, SpaceX siguroi fillimisht 75 miliardë dollarë përmes ofertës publike të aksioneve.Anthropic mund të përfitojë edhe 12 miliardë dollarë shtesë, nëse bankat që menaxhojnë ofertën aktivizojnë të ashtuquajturin opsion “Greenshoe”. Ky mekanizëm u lejon atyre të shesin më shumë aksione në rast se kërkesa e investitorëve është më e lartë se parashikimet.
Nëse realizohen të gjitha këto parashikime, shuma totale që kompania mund të sigurojë arrin në rreth 107 miliardë dollarë.
Drejtori ekzekutiv i Anthropic, Dario Amodei, bashkëthemeloi kompaninë pesë vite më parë dhe sot drejton një prej aktorëve kryesorë në garën globale të inteligjencës artificiale.
Anthropic, e vetmja kompani e fokusuar tërësisht te inteligjenca artificiale në bursë
OpenAI, kompania që qëndron pas ChatGPT dhe rivalja kryesore e Anthropic, pritet të hyjë në bursë vitin e ardhshëm.
Deri atëherë, Anthropic pritet të jetë e vetmja kompani publike në SHBA, aktiviteti i së cilës është i përqendruar tërësisht te zhvillimi i inteligjencës artificiale dhe produkteve të bazuara në këtë teknologji.Kjo e dallon nga gjigantë si Google dhe Microsoft, të cilët, megjithëse investojnë fuqishëm në inteligjencën artificiale, operojnë edhe në sektorë të tjerë të teknologjisë.
Megjithatë, përtej entuziazmit të investitorëve, ekzistojnë edhe shqetësime për aftësinë e Anthropic për të gjeneruar të ardhura dhe fitime të qëndrueshme në të ardhmen.
Yang Wang, analist financiar në Counterpoint Research, vlerëson se sfida kryesore për kompaninë është nëse biznesi i saj do të arrijë të përballojë detyrimet financiare që kapin qindra miliarda dollarë dhe që pritet të maturohen gjatë dy viteve të ardhshme.
Megjithatë, sipas tij, investitorët kanë një mundësi të rrallë për të investuar drejtpërdrejt në një kompani që zhvillon modelet më të avancuara të inteligjencës artificiale dhe që mund të ndikojë në fazën e ardhshme të produktivitetit global.
Rritja e shpejtë dhe shqetësimet për rreziqet e inteligjencës artificiale
Anthropic u themelua nga shtatë ish-punonjës të OpenAI, të udhëhequr nga vëlla e motër, Dario dhe Daniela Amodei.
Dario Amodei ka paralajmëruar vazhdimisht se inteligjenca artificiale mund të bëhet aq e fuqishme sa të përbëjë edhe kërcënim për ekzistencën njerëzore.Kompania ka bërë thirrje për kujdes në zhvillimin e kësaj teknologjie, duke argumentuar se sistemet e avancuara të inteligjencës artificiale mund të sjellin pasoja katastrofike për njerëzimin nëse nuk shoqërohen me mekanizma të fortë sigurie.
Edhe OpenAI ka ngritur shqetësime të ngjashme dhe ka shtyrë planet për hyrjen në bursë, për t'u dhënë përparësi çështjeve që lidhen me sigurinë e inteligjencës artificiale.
Pavarësisht këtyre paralajmërimeve, Anthropic synon të zgjerohet me shpejtësi dhe të sigurojë më shumë financime përmes tregjeve publike.Debutimi i Anthropic në bursë vjen në një periudhë luhatjesh të forta në tregun e aksioneve të teknologjisë, pas zgjedhjeve afatmesme në SHBA, ku demokratët morën kontrollin e të dy dhomave të Kongresit.
Investitorët shqetësohen për mundësinë e një rregullimi më të rreptë të industrisë së inteligjencës artificiale, veçanërisht pasi disa kandidatë demokratë kanë kundërshtuar ndërtimin e qendrave të mëdha të të dhënave që nevojiten për zhvillimin e kësaj teknologjie.
Një tjetër shqetësim lidhet me modelin ekonomik të industrisë së inteligjencës artificiale, i cili mbështetet në procesorë shumë të kushtueshëm dhe që aktualisht janë në furnizim të kufizuar.anthropic thyen rekordin e elon musk Lini një Përgjigje Anuloje përgjigjen Rajoni dhe Bota SHBA jep alarmin: Katër rivalë po shtojnë kërcënimet ndaj Uashingtonit 19 Nëntor 2026, 11:5411:54Rajoni dhe Bota "Kush është ai? Ai është shoku im"/ Momentet pikante nga samiti historik në Kinë mes Trump dhe Putin (Video) 19 Nëntor 2026, 11:4011:40Rajoni dhe Bota Pyeti Trumpin për shefin e Nvidia-s, Kina kërkon përjashtimin e gazetares së Bloomberg nga takimi 19 Nëntor 2026, 11:2711:27Rajoni dhe Bota Takimi me Putin në Kinë, kryeministri i Polonisë tallet me Trump: Zot, na ruaj nga miq të tillë! 19 Nëntor 2026, 11:1511:15Rajoni dhe Bota Mbyllet takimi i tre fuqive të mëdha në Kinë, Trump largohet drejt aeroportit 19 Nëntor 2026, 11:0811:08Rajoni dhe Bota Xi Jinping paraqet planin me 4 pika në takimin historik, zbardhen propozimet 19 Nëntor 2026, 10:4710:47Rajoni dhe Bota

