Anëtari i Komisionit për Punët e Jashtme të Parlamentit Europian (AFET), Rihards Kols, ka reaguar për situatën e krijuar me protestat në Shqipëri.
Kols shkruan në një postim në platformën ‘X’ se ditët e fundit po përdoren plumba gome, gaz lotsjellës dhe granata zhurmuese, ndërsa gazetarët po dhunohen në detyrë.
Sipas Kols, qeveria e Shqipërisë po dështon aktualisht në këtë provë, ndërsa bëri thirrje se rastet e dhunës duhet të hetohen.
E plotë:
Shqipëria paraqitet në Bruksel si një aleate e besueshme e NATO-s dhe një nga vendet kryesuese në procesin e anëtarësimit në BE. Por në vendin e saj, policia përballet me studentët dhe të miturit duke përdorur plumba gome, gaz lotsjellës dhe granata zhurmuese. Gazetarët dhunohen teksa kryejnë detyrën e tyre.
NATO dhe BE-ja janë aleanca demokracish. Të dyja mbështeten te shteti i së drejtës dhe respektimi i qytetarëve. Përdorimi i gazit lotsjellës kundër studentëve dhe sulmet ndaj gazetarëve tregojnë të kundërtën. Vlerat dëshmohen në vendin tënd. Qeveria e Shqipërisë po dështon aktualisht në këtë provë. T’ua atribuosh zemërimin e të rinjve shqiptarë ndaj korrupsionit dhe pandëshkueshmërisë “ndërhyrjes së huaj” është një fyerje ndaj tyre. Çdo rast i dhunës policore duhet të hetohet. Shqiptarët duhet të kenë të drejtën të vendosin vetë për të ardhmen e tyre./CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.