Alvi Muhaxhiri është 15-vjeçari që humbi jetën në aksidentin tragjik të ndodhur rreth orës 02:22 të mëngjesit të sotëm, në rrugën dytësore Manzë-Kullë.
Në këtë aksident humbën jetën edhe 25-vjeçari Kleo Vrioni, drejtuesi i automjetit, dhe 26-vjeçarja Sara Brugentelli.
Ndërkohë si pasojë e përplasjes mbetën të plagosur 26-vjeçari Rejsi Vrioni dhe 16-vjeçari Klevis Dervishi, të cilët janë transportuar drejt Tiranës për mjekim të specializuar.
Gjendja shëndetësore e 16-vjeçarit Klevis Dervishi është shumë e rëndë. I mituri ka pësuar dëmtime të shumta në gjymtyrë dhe në pjesën e qafës dhe po merr trajtim mjekësor.
Sipas të dhënave paraprake, drejtuesi i automjetit, 25-vjeçari Kleo Vrioni, ka humbur kontrollin mbi mjetin, i cili është përplasur me një bordurë betoni. Mësohet se të rinjtë po ktheheshin nga një lokal nate në Gjirin e Lalëzit, ku kishin qenë për të parë performancën e reperit Cllevio.
Policia dhe grupi hetimor vijojnë punën për zbardhjen e plotë të rrethanave dhe shkaqeve të aksidentit tragjik.