Luiz Inácio Lula da Silva, 81 vjeç, ka siguruar një tjetër mandat presidencial në Brazil, duke rikthyer në vëmendje një fenomen të njohur të politikës botërore, liderët që, pavarësisht viteve të gjata në pushtet, nuk e kanë ndër mend të largohen nga skena. Fitorja e Lulës ndaj rivalit të djathtë Flávio Bolsonaro ngre një pikëpyetje që shkon përtej kufijve të Brazilit, a është politika një garë brezash apo një maratonë ku të njëjtët protagonistë rikthehen vazhdimisht?
Në Shqipëri, paralelizmi të çon natyrshëm te Sali Berisha, i cili vijon të drejtojë opozitën dhe të synojë rikthimin në kryeministri. E kemi parë që në protestat studentore shpesh jep konferenca për shtyp, duke premtuar dhe duke treguar se ka shpresa. Nëse Lula, në moshën 81-vjeçare, siguron një tjetër mandat, a mund të shihet kjo si një sinjal se edhe për Berishën kapitulli politik nuk është mbyllur? Apo shqiptarët janë lodhur nga rikthimet e figurave të vjetra dhe presin alternativa të reja? Sigurisht, Brazili dhe Shqipëria kanë realitete të ndryshme, por shembulli brazilian i jep jetë një debati që në politikën shqiptare nuk është shuar kurrë.
A po ngrohet vërtet motori i Berishës për një mandat të fundit, apo shqiptarët do t’i japin fund ciklit të rikthimeve politike? Lula e mori një tjetër mandat në Brazil, por në Shqipëri vendimin nuk e merr mosha dhe as shembulli i një vendi tjetër. E vendosin votuesit, të cilët do të përcaktojnë nëse Berisha do të ketë një tjetër mundësi për të drejtuar qeverinë, apo nëse koha e tij në krye të ekzekutivit i përket së shkuarës.