Gjatë dhjetë ditëve të fundit rreth 2 mijë emigrantë kanë hyrë përmes detit me not në qytetin e Ceutës, një nga dy qytetet spanjolle në bregdetin maroken, përballë Gadishullit Iberik. Pamjet e filmuara në plazhin Tarajal tregojnë qindra persona që kalojnë pranë digave mbrojtëse, ndërsa të tjerë vrapojnë në plazh dhe në rrugët e qytetit, në përpjekje për të hyrë në territorin spanjoll. Në mungesë të kapaciteteve në forcat kufitare për të përballuar fluksin e emigrantëve autoritetet e Ceutës i kanë kërkuar qeverisë spanjolle të shpallë gjendjen e emergjencës kombëtare dhe të angazhojë ushtrinë. LEXO EDHE:VIDEO/ Tension i lartë te Lazio, Taylor përplaset me Gattuson! Trajneri e përjashton nga stërvitja Sipas autoriteteve lokale, situata në kufi është përshkruar si “kaotike”, ndërsa qendrat e pritjes janë mbingarkuar për shkak të fluksit të madh të mbërritjeve. Megjithatë, qeveria spanjolle ka bërë të ditur se, sipas legjislacionit në fuqi, fenomeni i emigracionit nuk përbën bazë ligjore për shpalljen e emergjencës kombëtare, duke theksuar se po vijon koordinimin me autoritetet marokene për të rikthyer kontrollin në kufi. Mediat raportojnë për 11 të mbytur e dhjetëra emigrantë të tjerë të zhdukur. Kjo situatë ka alarmuar qeverinë italiane e cila po shqyrton mundësinë e pezullimit të Shengenit me Spanjën. Emigracioni i parregullt dhe i pakontrolluar përbën një kërcënim për sigurinë kombëtare, shkruan në X ministri i Jashtëm italian Antonio Tajani. Imazhet që mbërrijnë nga Ceuta tregojnë se si vendimi i qeverisë së Madridit për t'u dhënë shtetësi spanjolle, dhe për këtë arsye evropiane, mbi 500,000 emigrantëve të parregullt është thellësisht i gabuar dhe inkurajon trafikimin e qenieve njerëzore, shprehet Tajani. P.J/E.H/Shqiptarja.com TAG: emigrante itali Ceuta spanje Komento Komente Sondazhi i ditës:
30 Korrik, 15:33
Si iu duket propozimi i PS-së që nga 61 të kalohet në 46 bashki? I drejtë 64.7% I gabuar 27.9% I/e dyzuar 7.4% Vota total: 1227 Votat totale janë unike Sondazhi i ditës: 30 Korrik, 15:33 Si iu duket propozimi i PS-së që nga 61 të kalohet në 46 bashki?